Contus de Memoria Decimoputzu

Progetto finanziato tramite la L.R. n. 26 del 1997

  • Increase font size
  • Default font size
  • Decrease font size

Presentadura de su progetu

Contus de memòria est s’arresurta de su progetu Arregordus e costumus, pagau in su 2009 de sa Lei de sa Regioni 26/1997, art. 13 “Promovidura e abaloramentu de sa curtura e de sa Lìngua Sarda” e de su Comunu de Deximeputzu. Su progetu dd’eus fatu po amparai e abalorai su connotu de sa bidda.
Sa tenta est sa de fai a biri cumenti biviant is putzesus in sa de primu parti de su Noixentus, po ddu fai s’at agiudau meda sa genti bècia de bidda, chi s’at contau is arregordus suus, e nosu ndi depeus tenni a contu po no si ndi scaresci.
Su Comunu de Deximeputzu est traballendi po no perdi su connotu de sa bidda, ca est de importu mannu po is giovunus puru, duncas fait progetus po amparai sa curtura a boxi de is putzesus, poita sinunca no nd’abarrat arrastu.
Su situ dd’eus pratziu in cuatru partis, donniuna cun d-unu scritu chi eus fatu cun is pregontus de sa genti de bidda, lassendiddus in sardu, e cun is fotografias de su tempus.
Dd’eus fatu in italianu e in sardu campidanesu puru, ca aici totus ddu podint ligi. A intru eis agatai is contus de su costumu e de sa vida de Deximeputzu; at essi unu viàgiu a intru de is arregordus de sa genti de bidda.